(א) בַּיָּמִ֣ים הָהֵ֔ם חָלָ֥ה חִזְקִיָּ֖הוּ לָמ֑וּת ו
ַיָּבֹ֣א אֵ֠לָיו יְשַׁעְיָ֨הוּ בֶן־אָמ֜וֹץ הַנָּבִ֗יא וַיֹּ֨אמֶר אֵלָ֜יו כֹּֽה־אָמַ֤ר יְקֹוָק֙ צַ֣ו לְבֵיתֶ֔ךָ כִּ֪י מֵ֥ת אַתָּ֖ה וְלֹ֥א תִֽחְיֶֽה:
(ב) וַיַּסֵּ֥ב אֶת־פָּנָ֖יו אֶל־הַקִּ֑יר וַיִּ֨תְפַּלֵּ֔ל אֶל־יְקֹוָ֖ק לֵאמֹֽר:
(ג) אָנָּ֣ה יְקֹוָ֗ק זְכָר־נָ֫א אֵ֣ת אֲשֶׁ֧ר הִתְהַלַּ֣כְתִּי לְפָנֶ֗יךָ בֶּֽאֱמֶת֙ וּבְלֵבָ֣ב שָׁלֵ֔ם
וְהַטּ֥וֹב בְּעֵינֶ֖יךָ עָשִׂ֑יתִי וַיֵּ֥בְךְּ חִזְקִיָּ֖הוּ בְּכִ֥י גָדֽוֹל: ס
(ד) וַיְהִ֣י יְשַׁעְיָ֔הוּ .. וּדְבַר־יְקֹוָ֔ק הָיָ֥ה אֵלָ֖יו לֵאמֹֽר:
(ה) שׁ֣וּב וְאָמַרְתָּ֫ אֶל־חִזְקִיָּ֣הוּ נְגִיד־עַמִּ֗י
כֹּֽה־אָמַ֤ר יְקֹוָק֙ אֱלֹהֵי֙ דָּוִ֣ד אָבִ֔יךָ שָׁמַ֙עְתִּי֙ אֶת־תְּפִלָּתֶ֔ךָ רָאִ֖יתִי אֶת־דִּמְעָתֶ֑ךָ
הִנְנִי֙ רֹ֣פֶא לָ֔ךְ בַּיּוֹם֙ הַשְּׁלִישִׁ֔י תַּעֲלֶ֖ה בֵּ֥ית יְקֹוָֽק:
(מלכים ב פרק כ )
